طبخه عجيبه

ترا الوصفة من راسي بس طعمة جربوهاا

المقاادير:
مكروونة طويلة
1 طماطم معصورة
ملعقتين صلصة طماطم
ملعقة صغيرة كاتشب
نص مكعب ماجي
فصين توم مدقوق نااااعم
رشة خل اسود
جبنة موزاريلا
شوياا بقدونس او كزبرة
زيت
لحم مفرووم على حسب الرغية

طريقة العمل:
1- اسلقي المكرونة
2- حمي لحمة المفروم الين تستوي
3- جيبي قدر وحطي في شوووويا زيت عشان الدهون عارفين محنا ناقصين لوووول وحطي التوم وخليه شوووويا وبس وحطي الماجي شويا برضو
4- حطي الطماطم المعصورة والصلصة والكتشب ورشة الخل وقلبيه وخليه الين يفوووور وتحسي انو مرة سخن
5- رشي في القدر جبنة الموزاريلا بس مو كتير بس عشان يدي نكهة للجبنة وكمان رشي البقدونس او الكزبرة مرررررة شويا وبس قلبي وبعدين طفي النار..

طريقة التقديم والتزيين:
جيبي صحن حلوو وحطي المكرونة وصبي الخلطة فوقها في النص ورشي فوقها بقدونس او كزبرة..و بالهنا والعااافية..

اذا ماعندكم وقت ومشتهيين اسباجيتي ممكن تشتروا صلصة هتس الامريكية للاسباجيتي برضو طعمها انا جربت اللي بالتوم والاعشاب مرة يميي ونفس الشىء حطوها في قدر وحطو عليها اللحمة والجبنة والكزبرة شوووويا الين تفوور وحطوها عالمكرونة وبالهنا والعااافية..