~& سكــــرة الحــــب &~

(سكرة الحب):


لاتنشغـل فينـي أنا بحالـي ادرى -- قلب(ن) تعلق فيك ينسى مـع الوقـت
.
.

اكثر من اللي صارلي ويش يجرى --بين الرجا والياس فكـري تعلقـت
.
.

هاك القصايد لاتضايقـت وأقـرى -- شف وش كثرفيها لبسماتـك أشتقـت
.
.

أثرالوفا ينبـاع عنـدك ويـشـرى -- ماكنت أصدق فيك واليوم صدقـت
.
.

يامشتهـي فرقا المواليـف حـذرى -- تبعد وأنا من سكرة الحـب مافقـت
.
.

لاطافت الفرصه تحريت الأخـرى --وتروح ماكنـي عليهـا تشوقـت
.
.

ساري لو إن الليـل مافيـه قمـرى --أشيل من حمل الهوى فوق ماطقت
.
.

لاصارحظ أقشر والأيـام قشـرى -- مافيه أحد عاقل يلومـك ليا ضقـت
.
.

صحيح بعض الناس فرقاه بشـرى --وبعض البشر لاغاب ليله تضايقـت
.
.

ليتك خذيت بليل الأحباب مسـرى -- غرّبت من كثر الطواري وشرّقت
.
.

السيل يبقاله على القـاع مجـرى --ويبقالـك التذكار لو كنـت فارقـت
.
.

أشوف لك من وين مارحت ذكرى -- ولاشفتها صديـت عنهـا ودنقـت
.
.

ماكل جرح(ن) لاخـذا أيـام يبـرى -- بعض الجروح يزيد شره مع الوقت







اتمنى تعجبكم عشاااااان تردووووووووووووووون

مشكووور جدااا